Таърихи ташаккул ва рушди низом

📌 Оғози таҳия

Таҳияи низом моҳи сентябри соли 2025 бо ташаббуси роҳбарияти муассиса оғоз гардид. Амалисозии лоиҳа ба уҳдаи барномасози ватанӣ Абдуллозода Нусратулло Ҳандулло вогузор карда шуд.

Версияи ибтидоии система (1.0) моҳи декабри соли 2025 омода гардида, барои санҷиши аввалия пешниҳод карда шуд.

📅 Марҳилаҳои асосии рушд

12 январи 2026

Оғози омӯзиши расмии кор бо система. Дар марҳилаи аввал 5 нафар мутахассис ба омӯзиш фаро гирифта шуданд.

19 январи 2026

Тибқи фармоиши роҳбарияти муассиса, низом ба таври санҷишӣ (пилотӣ) ҷорӣ гардида, бақайдгирии беморон расман оғоз шуд.

Январи 2026

Маълумоти беморони соли 2025 ба низом ворид карда шуд.

Феврал – марти 2026

Семинарҳои омӯзишӣ ба таври марҳилавӣ баргузор гардиданд. Дар ин давра зиёда аз 40 нафар мутахассисон омӯзонида шуда, соҳиби сертификат гардиданд.

30 марти 2026

Версияи такмилёфтаи низом ЗИ 2.3 бо муваффақият ҷорӣ гардид.

20 апрели 2026

НИТ ФМОБ 20.04.2026 таҳти № 1762600573 ба Феҳристи давлатии захираҳои иттилоотии Ҷумҳурии Тоҷикистон дохил карда шуд.

Шаҳодатномаи бақайдгирии давлатии захираи иттилоотӣ аз ҷониби МД «Маркази миллии патенту иттилоот» дода шудааст.

22 августи 2026

Навсозии навбатии НИТ ФМОБ ба версияи 2.4 (5) анҷом дода шуд. Дар доираи ин марҳила имкониятҳои функсионалӣ, оморӣ ва таҳлилии низом васеъ гардида, интерфейс ва суръати фаъолияти он такмил дода шуданд.

🚀 Навсозии система (Версияи 2.4 (5))

Самтҳои асосии навсозӣ:

• Баланд бардоштани суръати фаъолияти низом — суръати коркарди маълумот ва фаъолияти интерфейс ба таври назаррас зиёд карда шуд;
• Такмили тарроҳӣ ва интерфейс, аз ҷумла пурра фаъол гардидани реҷаҳои рӯзона ва шабона;
• Васеъ намудани имкониятҳои бақайдгирӣ ва пешбурди маълумоти беморон ва такмили сохтори маълумоти тиббӣ;
• Такмили бахши ташхис, аз ҷумла васеъ намудани маълумоти клиникӣ ва фаъол намудани рамзҳои морфологии ТББ-О-3;
• Ҷорӣ намудани модули назорати диспансерӣ барои назорати мунтазами ҳолати беморон;
• Таҳияи модули қабули беморон аз ҷониби табибони саратоншиноси минтақавӣ;
• Васеъ намудани имкониятҳои оморӣ ва таҳлилӣ, аз ҷумла такмили омори умумии беморон ва ҳисоботи шакли №7;
• Рушди CanReg AI — модули зеҳни сунъӣ барои таҳлил ва назорати маълумоти Феҳристи миллӣ;
• Ҷорӣ намудани аудити амалҳои иттилоотӣ бо мақсади баланд бардоштани шаффофият ва бехатарии кор бо маълумот;
• Такмили низоми огоҳиҳо ва илова намудани як қатор имкониятҳои нави функсионалӣ дар менюи низом.

Навсозии версияи 2.4 (5) марҳилаи навбатии рушди НИТ ФМОБ буда, ба баланд бардоштани самаранокии бақайдгирии рақамӣ, таҳлил ва мониторинги бемориҳои саратонӣ дар Ҷумҳурии Тоҷикистон равона гардидааст.

🎓 Омӯзиш ва татбиқ

Бо мақсади татбиқи самараноки низом, тибқи фармоиши расмӣ дар Муассисаи давлатии «Маркази ҷумҳуриявии илмии саратоншиносӣ» семинарҳои омӯзишӣ баргузор гардиданд.

Дар раванди омӯзиш масъалаҳои муҳим, аз ҷумла:

• Тартиби кор бо низом
• Воридкунӣ ва санҷиши маълумот
• Ҳифз ва махфияти маълумоти тиббӣ
• Таҳияи ҳисоботҳои оморӣ

Семинарҳои омӯзишӣ ба баланд бардоштани сатҳи касбии кормандон ва таъмини истифодаи дурусти низом равона гардида буданд.